Разам яны - і у сцюжу, і ў спёку
Бачна хлапцоў гэтых жвавых здалёку
Б’юцца, рагочуць - заўсёды іх двое
А народ кажа - абое рабое!
Што буры ім, што лавіна жывая
Рух, неспакой - вось іх доля ліхая
Цяжка было часам. Але. Затое
Барды пяюць ім - абое рабое!
Хто дыяманты скраў з Лувру, скажыце?
Сфінкс, што з Егіпту - цяпер ў Маларыце
Злодзеяў шукаюць ўсім Інтэрполам,
А яны вунь дзе - абое рабое...
Хто дапаможа употай Сізіфу,
Скраў Эўрыдыку хто, змяніўшы міфы?
Зеўс б’е з Парнаса маланкі чаргою:
Хто даў вам права, абое рабое?
Скарбы базілеўса, рыцэрскія латы
З імі хлапцы далі добрай лататы!
Няма з вамі рады, шэльмы з’пад Бярэсця...
Што яшчэ скажаш - абое рабое!
Часам даходзіла справа да сваркі,
Біліся насмерць, мірылі іх чаркі.
Бацьку, вядома, лягчэй біць ўсім скопам
Хто скоп вядзе? Дык, абое рабое!
Va'esse deіreadh aep eіgean*, спадарства.
Скончыцца ўсё, падарожжы, махлярства,
Але забыць не, не выйдзе пра тое,
Як звалі людзі - абое рабое!
28.12.2025
Андрусь Схаластык
* "штосьці канчаецца" з Старэйшай Мовы (мова з цыклу Анджэя Сапкоўскага)