Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Анэстэзія

Сярэдняя: 3.5 (13 галасоў)

Дождж схададнелымі пальцамі
з пярсцёнкамі зжоўклага лісця)
вымывае з жаданняў кальцыі
расцярушвае мараў няіснасці.

Дождж прахалодай палеткаў
(лысых гвалтоўна абшараў)
анастэтыкі ўводзіць паэзіі
фізрастворам па венах жарых.

Дождж вільготнымі лекамі неба
(пашарэлага як і краіна)
працінае вусцішшу цела
па мэтоде сваёй тэрапіі.

Доджд у халаце колеру скрухі
(у кішэнях – спіс пацыентаў)
са сланоў робіць кволыя мухі
без ніякіх інгрыдыентаў.

Дождж па кроплях душу выдзімае
(супраціў анальгетыкам гасіць)
верыць восені дождж прымушае
схаладнелых дотыкам пальцаў.