Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ну і вецер за акном!..

Сярэдняя: 5 (4 галасоў)

Ну і вецер за акном!
Гнуцца тонкія бярозкі.
Пасадзіла як на злом
на сямі вятрах нябоскіх...

А мяне хто пасадзіў
на гарушцы адубелай,
кволым голлем надзяліў
і апраткай надта белай?

На бярозы я гляджу, —
чым не сёстры, чым не сёстры!
Але як агараджу,
дзе тынок здабуду востры?

Адшумела ўжо вясна,
стане золка ў сутарэнні...
Ёсць заслона ў нас адна —
наша моцнае
карэнне.