Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

ПАЦАЛУНАК

Сярэдняя: 4 (4 галасоў)

Iголкай стальной пацалунак
Прасоўвае подыху ніць.
Хто змог з прамянёў і карунак
Цябе далікатна стварыць?

Трымціць матылёк каля сківіц,
Азябла кранаецца губ...
Зіма – гэта мёртвы раўнівец,
Прысыпаны вапнаю труп.

Няпэўнай зіме і туману
Раскаянне рады не дасць,
Але мы ўваскрэсіць рахмана
Спрабуем пяшчоту і страсць.

Праз хіжасць калішніх застолляў,
Натугу карчомнай струны
З ільдзін берталетавай солі
Ў пачуцці ўзыходзяць яны.

I мы, каб расплавіць трывогу
Ў прадбачанні сцюжы чужой,
Як футрам, адно да другога
Кранаемся мяккай душой.