Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Выпускніцы

Сярэдняя: 4.8 (6 галасоў)
З вуліцы, з перапынку
Сонца прынеслі многа...
Вялікія вы, дзяўчынкі
З дзесятага,
                     выпускнога!

Дзевяць гадоў — за вамі,
Нібы ў вясёлым абозе...
Цяпер,
            як вы кажаце самі,
Усё ў вас на поўным сур'ёзе.
 
Урок —
                як адна мінута,
А што за ўрокам чакае?
Нялёгкія інстытуты,
Журба, невядома якая?

I невядома, якія
Словы наклічуць горыч,
I невядома,
                    якія
Хлопчыкі
                  будуць поруч...

Цяпер усё ў даляглядзе.
Значыць, далей глядзіце!
Па купінах, па лістападзе
Ідзіце, дзяўчынкі,
                               ідзіце!