Колькі жыць засталося на свеце?
Я не ведаю, як і вы.
Гэта ведаюць, мабыць, дзеці
і на гэта маюць правы.
Бо аднойчы нас усіх не стане,
Мы і зараз ужо жывем
Бы ў вар'яцкім якім капкане
І зусім, зусім не пяем.
Спевы душы кранаць павінны,
А кранаюць нажаль сталы,
Дзе ў вялікай патрэбе віна,
Грубіянства, відэльцы, нажы.
Колькі жыць засталося на свеце?
Я не ведаю, як і вы.
Толькі добра было б каб дзеці
Стаць дарослымі ўсё ж змаглі.