— Што за дзіўны гул і гам
На двары пачуўся?
Што за гукі чую там —
Сам не разбяруся.
Нешта вые, нешта іржэ,
Нешта ціха квохча,
Нешта ўвогуле маўчэ,
Раптам піскне штосьці.
Што за гукі на двары?
Маці, патлумач мне.
— Пеўнік з ранняе пары
Дзяўбе зерне смачна,
Потым узлётае на плот,
Будзіць спазаранку.
Мяўкне наш праныра-кот,
Піскне мыш пад лаўкай,
Проса курыца таўчэ,
Квохчуць кураняты,
У хлеве часам конь іржэ.
Прэ кашлаты ў хату —
Вые, просіцца пад дах,
Ные небарака;
“Гаў” гудзе ў маіх вушах —
Так гучыць сабака.