Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Станіслаў Маеўскі

Сярэдняя: 5 (1 голас)

Мяне з ранку бабуля будзіла:
"Сырадойчыку кружачку выпі..."
Шчыраваў сляпы ліпеньскі лівень,
бы хто ціскаў нябеснае вымя.

Спаў тады, як пшаніцу прадаўшы,
аж зайздросціў мне дзедавы Васька,
што ля прыпечка блузніў у сажы,
каб яму першы блін заставаўся.

Я б катку дараваў ўсю патэльню,
толькі б сон даглядзець той салодкі...
Калі б ведаў, як лёс мне пасцеліць,
не псаваў смаку б горкаю водкай.

Студзень 2014г.