Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Жанна Усцінава

Сярэдняя: 4.1 (9 галасоў)

Уголас, як трэба,
з выразам
(лоб па-акторску хмурыўся)
чытала Аўдоцця Вы΄рава
“оду” суседскім курыцам.

У одзе той доўгай,
пафаснай,
складзенай на гародзе,
усе-усе ўзгадала іх пакасці…
Не-не, прабачце!
Подзвігі!

Усходы кропу -
знявечаны,
кветкі -
ушчэнт зламаныя,
гурок з бокам пакалечаным,
ягадкі пакляваныя.

Куры стаялі.
Слухалі.
Гэта аб іх?
Цікавенька!
Потым пад плот патру΄халі.
Ад бяды да΄лей... жва΄венька.



Сярэдняя: 4.1 (8 галасоў)

А можа… каханне толькі?

Ласкоча-казы΄ча Ліпень
далоняю далікатнай
стан тонкі, лагодны,
Ліпы,
квітнеючай каля хаты.

Удаль
разліваецца хваляй
яе паслухмяная згода.
Наўколле трымці΄ць –
адчувае
той згоды
чароўны водар.

Навошта
шукаць прычыну?
Флюідаў дзівосных токі,
прыроды закон –
магчыма.
А можа…
каханне толькі?



Сярэдняя: 4 (6 галасоў)

Я пастаўлю тут свой зруб.
Зажыву
на пакатым узлеску.
Пасцялю
на стале абрус,
увесь затканы
пяшчотай пралескавай.

А навокал – жывы плот:
Лес Архіпаў глядзіць
улюблёна,
як схапіў прагна
Пронеў рот
струмень з Байкава
намалёны*.

Дзе сцяжынай віляе луг,
на змярканні
хадзіць мушу:
з дум змываць
непатрэбны тлум,
паласкаць у ручаі ду΄шу.

_______
* Байкаўская крыніца ў Чавускім раёне, месца, над якім учыняецца шмат малітваў.



Сярэдняя: 3.9 (7 галасоў)

Ноч ця´гне
кантра´льта нізкім
адвечнае “лю´лі-лю´лі”
не для немаўлят з калыскамі -
не спіцца
стары´м бабулям.

Час позні,
паўночны, мі´нуў -
ніяк ёй не ўкалыха´ці
самотнасці іх успамі´наў
аб гомане яркім ў хаце,
аб дбайнай,
натхнёнай працы,
калі спрытна спіны гнуцца…
не спяць,
далібог, баяцца:
заснуць і…
і не прачнуцца.