Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

аднойчы

Сярэдняя: 5 (3 галасоў)

Аднойчы прыходзе стома.
Ў які-небудзь ціхі вечар.
Калі ўжо усё вядома
(а зьведанае – пустэча).
Ніякіх ня трэба словаў.
Зусім не цікавяць пляны.
Ўсе мары мае – удовы.
Ўсе мроі – без капітана.
Сьвятла не палю
і зданьню
Блукаю за зьнічкай-часам.
Ужо не баляць пытаньні.
Ужо не смыляць адказы...
У сьвеце далёкім, блізкім,
Праз ісьціны і навукі –
Важней за усё – калыска,
Што гушкаюць маміны рукі,
І ціхая калыханка,
І смачнае цяпло смочак,
І сьветлая ўсьмешка ранкам,
І нібыта неба – вочы.