Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Анёлы

Сярэдняя: 4.5 (12 галасоў)
У час, калі золак расквеціць дахоўку Манмартра, У мажнай гандляркі, крыклівай, як бойкі пірат, Пад рыначны вэрхал, ману, непрыстойныя жарты Вы купіце бручку, фасоль і зялёны шпінат. А на медзякі, што сагрэты ў паколатых пальцах, Якімі Вы шыеце іншым да шлюбаў убор, Кавалак бараніны купіце, таннага смальцу, І яблык чырвоных, латук і адзін памідор. Па лесвіцы вузкай, прыступкі палічачы ўпарта, Нібыта здабычу, пакупкі ўнясеце ў пакой, Напевам масніц вас сустрэне малая мансарда, Згатуецца ежа, і будзе святочны настрой. Закрэхчуць прыступкі пад моцнай юнацкай нагою, Ён прыйдзе, прапахлы парфумамі іншых кабет, Бліжэй да абеду. І ў Вашым мансардным пакоі Вам стане ўтульней у дыме яго цыгарэт. Нібы нацюрморт, заіграюць святочныя стравы, Пяройдзе ў вячэру абед, як заўжды, спакваля, І танным віном, маладым і да скомы гаркавым Падасца каханне, што будзе між вас апасля. Ужо адкахаўшы, ён скажа, што ў нейкім бардэле, На Ру Сан-Вінсэнт або Ру (во ,забыўся!) дэ Сол, Такія знайшоў ён для новых палотнаў мадэлі, Там што ні дзяўчына - сапраўдны нябесны анёл! А потым засне каля Вас у мансардзе пахілай. Мастак і каханы. Да раніцы будзе адзін: Вы возьмеце з шафы далёка схаваныя крылы, І ў ноч паляціце па фарбы для новых карцін. ajsa, 15.3.2012. Air Jordan VI Low


Ай-ай....які цуд ----гэты

Ай-ай....які цуд ----гэты верш ! у мяне аж слёзы на вачах ...і пачуцці, і слова, і настрой, і рука майстра ! я пабывала разам з Вамі на Манмартры...

Наталля! Дзякуй, шаноўная!

Наталля! Дзякуй, шаноўная! Зазірніце, калі лпска сюды forums.tut.by/showthread.php?t=10209150&page=86&f=27

калі хочаце, дашліце свой

калі хочаце, дашліце свой мэйл--я Вам адпраўлю сваю песню, дарэчы, я музыка--і "Адзінота", вакол якой разгарэліся спрэчкі---гэта да ўсяго тэкст песні !

Вы прыйдзіце па спасылцы,

Вы прыйдзіце па спасылцы, якую я дала, там утудбней, чым тут. Зарэгіструйцеся, мы Вас чакаем. А мэйл страшнавата - спам кінуць.