Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

БЕЛАРУСКАЯ АДЫСЕЯ 2011 года.

Сярэдняя: 4.5 (33 галасоў)

Няма нічога лепей, чым прастор…
Ні дротам, ні жандармам – не абмяжаваны…
Народ ідзе !
А не – “натоўп папёр”…
Народ !
Не супынісь на скрыжаванні !

Бо тут жа ўпэўняць Вас “палітрукі”,
Што трэба павярнуць улева, ці управа…
Не сцішваць ход !
Бо гэта – дармаеды-хітрукі !
Ідзі уперад самастойна, гэта - тваё Права !

Сумненне часта ўлазіць, як змяя.
Каб ты стаяў на месцы, быццам стоўб.
І Мы – ужо ня “мы”, а мноства розных “Я”…
Тады Мы - не Народ,..
Тады – натоўп…

Няма нічога лепей, чым абшар !
Народ ідзе !
Калі Мы – разам, колькі жа Нас многа !
І верым у адно,..
і пра адно і тое ж марым…
І добра разам йсці туды - куды вядзе Дарога !

…раніцой, 20 чэрвеня 2011г.