І ў маленстве,
і ў старасці сталай
непакояць пытанні людзей…
Мы адказы шукаем, шукаем…
Свет вялікі навокал…
А дзе?
Кожнаму адкажам чалавеку:
- Павялося так спрадвеку –
За адказамі - ідзі ў Бібліятэку!
Ты жывеш сярод людзей.
Лепшай долі ўсе шукаюць людзі…
Твой жа шлях якім жыццёвы будзе?
Што ўладкуецца
з надзей?
Кожнаму адкажам чалавеку:
- Павялося так спрадвеку –
шукаць свой шлях - ідзі ў Бібліятэку!
Кожны з нас бывае працаю замучан,
калі хоча самаробна штось зрабіць.
І – не ладзіцца…
Таму што не навучан…
А дзе ж
навуку рамясла здабыць?
Кожнаму адкажам чалавеку:
- Павялося так спрадвеку –
За навукамі - ідзі ў Бібліятэку!
Хто у школе,..
хто на працы…
Дзень за днём кудысь бяжыць...
Можа нехта мае рацыю:
дзе і як нам адпачыць?
Кожнаму адкажам чалавеку:
- Павялося так спрадвеку:
хочаш адпачыць – ідзі ў Бібліятэку!
…і ў маленстве, і ў старасці сталай
людзі разам стараюцца жыць.
Бо ў жыцці спраў вялікіх нямала…
Аднаму ж усяго - не зрабіць.
Аднаму – ні будаваць, ні – сад садзіць.
І заўсёды думка паўставала:
дзе ж сяброў-таварышоў набыць?
Кожнаму адкажам чалавеку:
- Павялося так спрадвеку –
за сябрамі - трэба йсці ў Бібліятэку!
**+**
15 ВЕРАСНЯ 2011.