Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Блакіт тэлевізійнага экрана...

Сярэдняя: 4.9 (10 галасоў)
Блакіт тэлевізійнага экрана,
Скупы радок газетнай паласы
Прыносяць зноў навіны...
Несціхана
Пакутай, болем ныюць галасы.

He ведаю,
                 куды ад іх падзецца,
Я ж чалавек —
                           і не ўсё роўна мне,
Што галадаюць, паміраюць дзеці,
Хоць і ў чужой далёкай старане,

Што не змаўкае гул ні ўдзень, ні ўночы
I не мялее бежанцаў рака...
Вайны пярун над Афрыкай рагоча,
Над Азіяй ягоная рука.
 
Забойцам жа і гэтага замала,
Крыві іх долар прагне,
                                       нібы цмок.
Зямля людзей,
                         над прорваю ты стала,
Да небыцця адзін застаўся крок.

Прашу ўвесь свет,
                                што б'ецца ў ліхаманцы:
— Рыдлёўку не бяры ты за цаўё.,.
Жыць на Зямлі хачу,
                                   а не ў зямлянцы...
Няўжо жаданне марнае маё?
Sneaker Release Dates 2019