Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Чужое свята

Сярэдняя: 3.8 (4 галасоў)
Пра свята неяк байку чуў, Пра госця-беларуса: Сышоў ён з крыўдаю ўваччу, Не намачыўшы вуса. Вяселле колькі дзён гуло, А ён не выпіў дозы. Маўляў, прымусу не было – Таму пайшоў цвярозы. Сусед-расеец запытаў – Чаму такі гаротны? “Прымусу не было да страў – Дамоў іду галодны!” Але сусед не зразумеў, – Навошта трэба прымус? Ты б хоць халоднага паеў, Бо стравы – проста цымус! Ён сам і выпіў, і пад’еў, Сапеў сабе ў сапелку, Але ніяк не разумеў: Навошта грэць гарэлку?.. Я б не капаўся ў тым быллі, Каб не было нагоды Мне ўбачыць, як да волі йшлі Суседнія народы. Яны ўжо самі рэй вядуць – Літоўцы ды палякі. І п’юць, і смачнае ядуць, І дзеткам ёсць прысмакі. А ў нас не лёс, а так …палын. Не стаў народ свабодным. Чаму ж застаўся ён адзін Зняволеным, галодным? Пытанне гэтае задаў Вяскоўцу-беларусу, І ён мне шчыра адказаў: “За волю я б галасаваў, Ды не было … Прымусу!” Nike Jordan Super Fly 5