Дзякуй за побыт. Учора
Мы вальс танцавалі ўтрох:
Коска, пытальнік і кропка.
Куля, курок і вісок.
Па: міліметрамі рухі
Вось, зіма і вясна.
Сонца, дажджы, завірухі…
Стоп. Я зноўку адна.
Дзякуй, што сонца свяціла
Над домам, сабакам і шклом.
Над Вільняю, Менскам і Рыгай
Святло традыцыйна крыжом
Згубленым. Што ж нам за ганьба
Губляць і губляцца ў жыцці.
Святыня – паклон і адданасць
Любові, вагню і зямлі.