Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Кароль і каваль

Сярэдняя: 5 (4 галасоў)

Кароль у пушчы бавіў дзень,
Лася асочнікі загналі,
Харты раз'юшана брахалі ,
Стагнаў знясілены алень.

Тарпанаў тропілі паны -
Так удаліся ў пушчы ловы!
Ды вось бяда - згубіў падкову
У ягомосця вараны.

- Дзе тут каваль, - кароль злуе ,
Абозны ўзвіўся: ў пару вёрстах,
Ёсць неблагі каваль у вёсцы,
Мо, варанога падкуе.

Кунтушы, пёры, жупаны -
Па сенажаці, бы па шляху,
Пыхлівым велічным аршакам
Ляцяць да вёсачкі паны.

Палае ў горане агонь,
Каваль рукасты і рахманы
Загад выконвае вацьпана-
Каб не кульгаў любімы конь.

Кавадла, малаток, чакан.
Нішто яму - скаваць падкову,
Ухналь - і той ужо гатовы,
Хай задаволіцца вацьпан.

"Чым да каня, - кароль сказаў,
Перш пакажы сваю работу -
Ці то падкова? Дрэнь , брыдота!
Я аберуч яе зламаў!"

Прыдомак "Моцны" Аўгуст меў,
Бо гнуў падковы для забавы,
А не за тое, што дзяржаву
Ператварыў у брудны хлеў.

І зноў у горане агонь,
Каваль рукасты і рахманы
Загад выконвае вацьпана-
Каб не кульгаў любімы конь.

Ужо чацьвёртая ляціць
У горан гнутая падкова,
Забава лепшая за ловы-
З кавальскае работы кпіць.

" Ды годзе! Вечар на двары.
Якая ёсць - мацуй, кавале!
А за жарт вясёлы срэбрны талер
Ад ласкі панскае бяры!"

Каваль вацьпанскі талер ўзяў,
На дар зірнуўшы з неахвотай,
Сказаў : "Агідная брыдота!",
І напалову разламаў.

З далоні ў чорных мазалях
Дзьве палавінкі ад манеты
З гербом каронным і партрэтам
Ляцелі ў ногі караля.

ajsa, 14.08.2011.



Ад ведаў роднай гісторыі

Ад ведаў роднай гісторыі выйграюць усе, асабліва паэзія.

"талер ўзяў"-- у нескладовае

"талер ўзяў"-- у нескладовае і граматычна, дый на слых ускладняе мелодыку, набліжае да рускага "взял". А ці не лепш у незакончаным трыванні: "... талер браў". Не адкідвайце адразу, а прыгледзьцеся, прыслухайцеся...

Я гэты верш дапрацавала, там

Я гэты верш дапрацавала, там ужо іншая крыху канцоўка. Мне таксама не вельмі падабалася. У кнізе будзе ўжо новы варыянт. І тут яшчэ памылка - там А залішняе, перарабляла радок і забылася знішчыць.

ну што сказаць?----проста

ну што сказаць?----проста няма слоў,каб выказаць захапленне Вашай творчасцю ...вашымі цудоўнымі вершамі ! такая лексіка, у мяне такой няма.