Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Хутка ўжо зацвітуць верасы...

Сярэдняя: 4.3 (3 галасоў)

Хутка ўжо зацвітуць верасы
І зялёнкі ў дажджах схаваюцца,
У чаканні асенняй красы
Арабіны долу схіляюцца.

Ўдалячынь паплывуць журавы,
Развітання з радзімай просячы,
Над карункамі соннай травы
Свой самотны напеў праносячы.

Неўзабаве й марозная просінь
Серабром упрыгожа зямлю.
Ты яшчэ не прыйшла, мая восень,
А цябе я ўжо шчыра люблю.