Ні аб сустрэчы болей не малю,
ні аб расстанні болей не пытаю.
Прашу без болю ... з ціхае "люблю"...
на краі...
невекавечнай вечнасці й таго,
што абрывае повязі зямнога:
прыміце ласку сэрцайка майго
і словы
маей жальбы і жалю, што не я
цяпер за Вас адбуду ўсе гароты.
Хай напаслед сагрэе Вас мая
пяшчота.
І растрывожыць кропелька цяпла
і акіян самоты развітальнай
тае любві, што ў вечнасць перайшла
фатальнай.
20.02.2020