Свеча горела на столе,
Свеча горела…
Барыс Пастэрнак
На ўсёй зямлі спыніўся час.
І ў гэтым часе
Ты засталася ля пляча.
Ты засталася.
І месяц
Стомленным ваўком
Схаваўся нанач.
Шумела Нарач за акном,
Шумела Нарач.
Каб зоркі бліскалі ў акне,
Мы не хацелі.
Трымцелі цені на сцяне,
Трымцелі цені.
Нам сну не даў вясновы час –
Вясёлы скнара.
І вечнасць цэлую для нас
Шумела Нарач…
выдатны верш, вельмі прыгожа
выдатны верш, вельмі прыгожа