Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Наш ракетны век скупы на ласку...

Сярэдняя: 5 (1 голас)
Наш ракетны век скупы на ласку,
Як старызну, мы яе збываем...
Толькі па якому абавязку
Мы пачуцці добрыя хаваем?
Заглушаем мы сябе памалу
Пазыўнымі клопату зямнога.
Вельмі шмат у голасе металу,
Дынаміту ў словах вельмі многа.
Падбівае нас штодзень на сваркі
Гонка ваяўнічасді маторнай.
Сваркі —
                 з-за кухоннай гаспадаркі,
Сваркі —
                 з-за вышынь арбіты зорнай. 
Сварымся,
                   намацваючы кнопку,
Мы —
              ахвяры ўласнага апломба...
Што ж паставіць гэтым сваркам кропку
Розум або атамная бомба?
Кім, урэшце, вырастуць падпаскі,
У якіх настаўніца — папруга?
He шкадуйце добрых слоў для друга,
Для каханай не шкадуйце ласкі.