Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Не было і не будзе...

Сярэдняя: 5 (2 галасоў)

Не было і не будзе
Ў мілога каханкі,
Каб спявала такія,
Як я, калыханкі.

Ці трапіцца дрэнная,
Ці залатая,
Але не такая,
Але не такая.

Як лепшую возьме
За жонку сабе –
Прыпомніць усе
Недахопы мае.

Акажацца горшаю
Жонка яго –
Згадае адкрытасць
Пагляду майго.

Не будзе, не будзе
Ў мілога каханкі...
Спяваць мне да веку
Свае калыханкі,

Абняўшы ці дрэннага,
Ці залатога,
Але не такога,
Але... не такога!