Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Не забыцца

Сярэдняя: 5 (1 голас)

Думай нуднай, нядрэмнай
Не азмрочвай чало.
Так, жыцьцё недарэмна
Нас мілосьцю звяло.

I калі па свабоду
У нязнанасьць пайду,
То вярнуся заўсёды,
Каб адпрэчыць бяду.

Мне пасобіць у гэтым
Сьвет, які я люблю, —
Не бяз толку паэты
Засяляюць Зямлю.

Толькі жудасьць прысьніцца,
Напалохае змрок, —
Як ля шыбы сінічка
Свой падасьць галасок.

Толькі зманіцца вусьціш
Засьціць новы твой дзень, —
Як сьвітальныя вусны
Пацалуе прамень.

Незагойную больку
Сум няхай не дзяўбе...
Я памру не настолькі,
Каб забыць пра цябе.