Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ноч, вуліца, ліхтар,аптэка...

Сярэдняя: 5 (1 голас)
Ноч, вуліца, ліхтар, аптэка… Няма чаго перакладаць. Я супраць Блока – недарэка, Дакладней мне не напісаць. На Мяснікова – во дзе здрада – Жыву я, быццам у гасцях. Лангбардны побач Дом урада Бяздарны ў небе песціць сцяг. Далей, на плошчы ў тры гектары, Дзе Незалежнасць браў народ, – Манізераўская пачвара Грувасціцца каторы год. Як пераможца паглядае На наш сталічны гарадок. Зноў воля нам не выпадае, Лёс – памяркоўнасці аброк. Куды падацца чалавеку, Як выйсце з цемры адшукаць? Мы дажылі да скону веку – Амаль няма чаго дадаць!.. Вось супрацьлеглае аконца, Мо знойдзе тут патолю зрок? На жаль, здзяйсняецца бясконца Паэта-вешчуна вырок. На вуліцы калдобін слалам. Ярчэюць цьмяна ліхтары. Дзе нешта фірма будавала – Стаіць …аптэка, хоць памры! Вачамі скіфа ці ацтэка Хітрушча паглядае Блок. Ноч, вуліца, ліхтар, аптэка – Дакладны, як прысуд, радок. Усё нанова… Як спачатку, Павінны мы трымаць удар. Ноч кідае сваю пальчатку – Аптэка, вуліца, ліхтар … Куды ні глянь – адзіны мізер Наканаваў расейскі бард. Перакладаю зноў. Манізер. Ноч. Акупацыя. Лангбард!.. 2000 Nike Air VaporMax