Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Памяці Лідскай ратушы

Сярэдняя: 5 (1 голас)

Памяці Лідскай ратушы
Гісторыя Лідскай ратушы налічвае тры стагоддзі і заканчваецца пажарам 1891 года.

У мінуўшчыне пашару.
Памяць не загінула –
ратушу рука пажару
ў Лету не закінула…

Наша Ліда атрымала
права Магдэбургскае,
вестку радасна прымала –
і гарматы бухалі.

Горад, быў не пажылы ты –
у гадах юначых.
Ля цэнтральнай плошчы Ліды
збудавалі ратушу.

Век за векам плыў, праходзіў
з мірам і грызнёю…
Ратушу праз два стагоддзі
збудавалі новую.

Інвентар у ёй пажарны
пры царах захоўвалі.
Агняборцаў у пашане
на пажар нацкоўвалі.

Бітву полымю давалі –
намаганні марныя:
ратушу не ўратавалі
ад яго пажарныя.

Біліся з агнём дарэмна:
ратуша загінула…
Ды яе рука здарэння
ў Лету не закінула!