Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Партызан

Сярэдняя: 4.8 (28 галасоў)

                Памяці Віці Сітніцы
 
Нізка хмары плывуць над зямлёю,
Бор аб нечым маркотна гудзе.
Патаемнай сцяжынкай лясною
Партызан у разведку ідзе.
 
Трэба звесткі здабыць для атрада,
Шмат варожых прайсці перашкод.
Партызану ж зусім небагата,
Партызану шаснаццаты год.
 
Хутка родныя будуць абшары:
Вось і хата, і цёплы пакой.
На хвілінку к пяшчотнаму твару,
Як раней, прытуліўся шчакой.
 
І ад стомы закрыліся вочы,
Галавой да падушкі прыпаў.
Не заснула матуля той ноччу,
Але здраднік таксама не спаў.
 
Немцы крадуцца полем да хаты,
— Уставай жа з пасцелі, сынок.
Прабірайся балотам да таты,
Абыходзь супастатаў здалёк.
 
У вачах пахіснуліся травы,
Зазвінелі, нібыта званы…
Партызанскі хлапчук пахаваны
З той пары на паляне ў бары.
 
Шэпча лес над магілай хлапечай,
Кветак шмат на паляне цвіце,
Салавейка вясною шчабеча
І тужліва зязюля куе.

Lebron XIV 14 Low


это самы луччы верш

это самы луччы верш

От такого стихотворения

От такого стихотворения плакать хочется...