Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Першая маршчынка...

Сярэдняя: 5 (2 галасоў)

Першая маршчынка
Сьлед свой правяла...
Дзе ж мая дзяўчынка,
Што, як мак, цьвіла?

Той, хто поплеч крочыць,
Зблізу не відзён.
Коціцца клубочак
Мітусьлівых дзён.

За ягонай ніткай
Толькі пасьпявай,
Ды ня падай ніцма:
Калі што — трывай!

Але ўсё ж нікому
Не мінуць пары,
Як паклічуць з дому
Звонкія бары.

Павуцінак срэбра
Нагадае нам —
Давяраць патрэбна
Кожным новым дням.

Адцьвітае верас —
Ява ў ціхім сьне.
А лісьцінцы веры
Доўга зелянець.