Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Пра «сціпласць»

Сярэдняя: 4.8 (23 галасоў)
Ні залы не было,
                ні бойкі.
Быў дрогкі, стомлены трамвай.
I ў ім галёкаў дзядзька бойкі,
Пляваў на мой народ і край.

Глынуўшы ком абразы даўкі,
Мы дзядзьку «выдалі» з пляча.
А побач быў таварыш даўні
I...
      акуратненька маўчаў.

Стаяў,
       салідны і прыціхлы,
Ні ў якай бойцы не разбіт.
А потым нам шаптаў:
                   «Я сціплы...
Я сціплы...
             Я не барацьбіт...»

Так,
     сціплы,
             сціпленькі,
                         спакойны.
Заўсёды
        збоку ад бяды.
Для ўсіх прыемны і пакорны,
Ніжэй травы,
             цішэй вады.

Ты чысты.
          А з табою душна.
I,
   раскусіўшы ўсё даўно,
Я праклінаю
             раўнадушнасць
I «сціпласць» гэту
                   заадно.


Увесь менталітэт беларуса ў

Увесь менталітэт беларуса ў адным вершы

згодны!

згодны!