Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Пячура

Сярэдняя: 3.8 (4 галасоў)

Сведчыць камень абчасаны
на пясчаным схіле:
дзве дзяўчыны пахаваны
у адной магіле.

На пагосце сведчыць камень
пад зялёным веццем,
што аплаканы бацькамі
дочкі ў сорак трэцім.

А яшчэ ніжэй... глядзіце!
Каб зямля пачула,
крык не моўкне на граніце:

IX ЗАБІЎ ПЯЧУРА.

Хто ён,
смерці памагаты?
Дзе прыстанак знойдзе
нават каменем пракляты
паліцай ці злодзей?..

Можа, ён уцёк за мора
да сваіх у госці?..
Столькі год сівое гора
плача на пагосце:

— Ой вы, сосны, не шуміце,—
ўся зямля пачула, —
маіх дочак не будзіце.
...Іх забіў Пячура.