Што значыць век зямны? – Адно толькі імгненне.
Як і сама Зямля – пылінка у Сусвеце.
А як тварыў паэт, калі прыйшло натхненне,-
Ці сэрцам, ці душой,- хто ведае на свеце?
Найперш была любоў, і толькі потым – слова,
Бо, каб яго пачуць, патрэбна двух размова.
А словы пра любоў з бясконцасцю сугучны,
Паэт іх запісаў і на ўвесь свет агучыў.
Імчыць сабе Зямля пылінкай у Сусвеце,
Паэты пішуць вершы, смяюцца шчыра дзеці…
А ў гэтай прастаце і ёсць вышэйшы розум.
Што я тут напісаў – не догма, толькі – роздум.