Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Сальеры сучасны

Сярэдняя: 3.8 (12 галасоў)

Ён нахіліўся,
Выгнуўся над радкамі...

Вечар плыве ў вокны,
Густы і шэры...

З моцай і злосцю,
Нянавісцю
І адчаем
Ён уціскае ручку
У дно паперы.

То немагчыма...
Гэта занадта цяжка,
Гэты ўдар
Пякучы і невыцерпны...

А туманы збіраюцца над лагчынай
І ўзрываюцца дрэвы
Страшэнным енкам...

Ён - не паэт. І як
Ні сядзі над сшыткам,
Як ні крычы,
Заві,
Ні рыдай,
Ні крэслі,
Словы, нібы
Перарваная ціхая песня
Зноў упадуць на паперу
Глухім адбіткам.

Сцены ў пакоі кпяць з яго
Цішынёю...
Божа, нашто зрабіў
Ты яго упартым?
Прага падобная
Да Тваяго праклёну...
Схільнасці даў,
Ды толькі не даў
Таланту...