Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Што значыць літара адна...

Сярэдняя: 5 (2 галасоў)
Што значыць літара адна Ці змена склада слова? Як нітку выдзерці з радна – Палезе ўся аснова. Спрадвеку горад зваўся Менск, Стаяў на рэчцы Менцы. Ды неяк дамагліся змен Суседзі-іншаземцы. Абраза, што ні гамані, А літару змянілі І ўжо не знойдзеш карані, Як міну падлажылі. Павага к віленскім званам І памяць, не міні нас. Глядзі, падкладзены ўжо нам Міндоўгас, Гедымінас… Свае імёны аддалі, А з імі і абшары. Суседзі нам дапамаглі, А потым камунары. Нам выйсці трэба з гэтай цьмы. Каб не рванула міна, Заўжды павінны помніць мы Міндоўга, Гедыміна. Дзе ж супраціў? Ды не шукай Па назвах знатака ў нас! І з Трокаў робіцца Тракай, З Друскенікаў – Друскенінкай, А з Меднікаў – Мядзінінкай І Коўна зараз Каўнас. Да родных каранёў і слоў, Навука, давядзі нас, Бо зменяць ўсё за будзь здароў – Гародня… Гродна… Грдзінас!.. 1999 NIKE