"Стаў начальнікам"
Ен стаў начальнікам нядаўна
Змяніўся скажам, кардынальна
Кім быў дагэтуль,сам забыўся
Як толькі ў крэсла прызямліўся
Такі стаў важны і саноўны
Бо зразумеў,хто тут галоўны
Сядзіць,насупіцца як сыч
Тарасам больш яго не кліч
Не точыць сам цяпер алоўкі
Есць сакратар,даволі лоўкі
Нясуць на подпісы паперы
Бяз стука не адчыніш дзьверы
І не падыйдзеш,не спытаеш
Чуць што не так,то атрымаеш!
Не размаўляе,"цэдзіць"словы
Да ўсіх на"ты"і хмурыць бровы
Разумны вельмі. Усе знае
Людзей не вучыць,павучае
З начальствам ,добрыя стасункі
Даклад у час,услых іх думкі
У кадрах кажуць,што актыўны
І дужа,дужа перспектыўны
Паўзе па лесвіцы "тарас"
Паўзе,спяшае на парнас
Не пашанцуе,паслізнецца
І раптам скоціцца да нас
Ну што тут скажаш?Так бывае
Уверх паўзе,уніз злятае...