Сябру ў дзень нараджэння
Штурхаюць ветры па жыцці ў парывах,
Імчым мы ўдалеч лёсу супраціў,
Гайдаюць нас прылівы і адлівы,
Уздымае ўвысь нябесных нот матыў.
Пераадолены завалы, бураломы,
І частка большая дарог…
Цяпер шануем мы трываласць дома,
І нам не хочацца выходзіць за парог.
Уцеха – гаспадарскія турботы,
Сямейныя бяседы за сталом,
Па свету ў компе вандраваць ахвота… -
Такі здаровы лад жыцця наш дзень за днём.
Гады сыходзяць, быццам з дому госці,
Ад дня народзін к дню народзін зноў.
Дні нараджэння, іх прыдумаў хтосьці,
Той самы, хто ўдыхнуў у нас веру і любоў.
Сягодня, сябра, дзень твой адзначаем,
Бадзёрасці жадаем на гады,
Хай будзе ўсё, што толькі загадаем,
Нам век не знаць хваробы і бяды!
Я за цябе кілішак паднімаю,
За маладой душы тваёй палёт,
Хай дзеці, ўнукі шчырасцю натхняюць
На новы творчы і жыццёвы ўзлёт!
2016, жнівень.