Тры дні нараджэння
З днём нараджэння, Максімка,
Пятага студзеня сёння,
Цябе ўжо чакае машынка,
Хутчэй, бо браты “угоняць”.
З днём нараджэння, Віцюшка,
Шостага студзеня сёння,
Што, не пускае падушка?
Вось табе кубікі, соня.
З днём нараджэння Хрыстовым,
Сёмага студзеня сёння,
З святам і шчасцем вас новым,
Хай згіне з зямлі ўся бойня.
Падзякуем, дзеткі, Ісусу,
За ўсё, што мы маем сёння.
Рабіце дабро, без прымусу,
Анёлы заўжды абароняць.
1993 г.