Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ты мне казала...

Сярэдняя: 5 (10 галасоў)
Ты мне казала:
     — Без цябе дайду дадому, адыдзі!
А вочы гаварылі:
     — Правядзі...
Ты мне казала:
     —  Ну! Без рук! Пусці хутчэй!
А твае рукі:
     — Прыгарні яшчэ!
Ты мне казала:
     —  He цалуй мяне, благі!
А губы зноў шапталі:
     — Дарагі...
Ты мне казала:
     —  Што ты! Нельга! Цвёрда кажу я!
А сэрца стукала:
     — Твая, твая...
I добра ўсё ж, што ў часе залатым
Паверыў я зусім не словам тым,
А твайму сэрцу,
     трапяткім губам,
Рукам гарачым,
маладым вачам!


Аах,якi верш! Сама я

Аах,якi верш! Сама я дзяўчына, ведаю як iншы раз словы адрознiваюцца ад таго, што на самой справе адчувае сэрца. I толькi блiзкi па душы чалавек, каханы можа выявiць гэта.

Выдатна! Сапраўды такое

Выдатна! Сапраўды такое нярэдка здараецца, калі дзяўчыны кажуць адно, а маюць на ўвазе зусім іншае