Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Усё для Вас

Яшчэ не ацэнена
Усё для Вас: і сонейка, і дождж, І ластаўкі палёт, і подых сцюжы, І студзеньскі халодны вецер-нож, Які цалуе Вашы шчокі-ружы, Уцёкі ад зімы снегавіка, Два гузікі – вільготнымі вачыма, Пяшчота і цяпло сакавіка, Забыцца пра якія немагчыма. Усё для Вас: кастрычніка агні, Кляновых плям чырвоная дарожка, Нястрымнага кахання ночы, дні На зеляніне ліпеньскага ложка, Букет рамонкаў, жыта, васількі, Гарачы май у вокладцы блакітнай… Вас лукавіна стомленай ракі Ад чэрвеня схавае пад ракітай. Усё для Вас адной і дзеля Вас: Слязьмі па леце лістапада ліўні, І снежаньскіх начэй марудны час, І танцы зорак у вар'яцкім жніўні. Няхай Вам усміхнецца красавік, Няхай у лютым знікне вораг люты, Хай пройдзе год, нібыта чараўнік, У верасень сустрэчы апрануты. 06.03.2016 Womens Bandeau