Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Выбух. Не веру...

Сярэдняя: 3.3 (9 галасоў)

Выбух. Не веру.
Пякучая хваля ў вочы
Сумнай заслонай,
Нябачнаю для другіх.
Што гэта стане?
У роспачы цяжка крочу,
Крочу па сцежцы вячэрняй густой смугі.

Што са мной будзе?
Мне верыць - або забыцца?
Гэта пачатак
Ці проста пякельны дым?

Добры канец прадказвалі мне паліцы,
Кнігі ды казкі -
А што насамрэч у ім?

Я заблукала.
У сэрцы лягла пустэча.
Выжжаны стэп да цэглы і камянёў.
Я - наймацнейшая.
Я зараклася енчыць.
...Сіняе неба, вуліцы ды галлё,

Горыч і ціша аўтобуса паўпустога,
Сонца на шыбах, маўклівая калея,
Я вырашаю, што я пачынаю знову.
З гэтага дня,
Так,
З гэтага самага дня.