...мужествовав крепко.
З Наўгародскага
першага летапісу
«Мужествовав крепко» —
Колькі ў гэтым сказе!
«Мужествовав крепко» —
Хіба лепей скажаш?
...Чуеш,
як па лёдзе
Капыты малоцяць?
Бачыш, той вунь,
смелы,
З сінімі вачамі,
Родам з Русі Белай,
Якаў.
Палачанін.
У баях,
на ловах,
Як мядзведзь,
ён дужы,
На пірах князёвых
He гаворыць дужа.
Па крывавым лёдзе
Капыты малоцяць.
На гарачым лёдзе
Смерч мячоў і дзідаў...
Колькі не народзяць
Хлопцаў маладзіцы!
Летапісец рупны —
Сведка дзён крывавых.
...Летапісцы скупа
Раздавалі славу.