З гары на санках!
************************************
Мяце завея-завіруха
І клямку тузае за вуха.
Ля студні скача і ў садочку,
І ў кожным студзеньскім радочку.
Пазамятала хату, сцежку,
Дрывотнік, ганак, нават стрэшку,
Куды схавалася сінічка.
Ды я надзену рукавічкі,
Валёнкі, кажушок, вушанку.
Сабаку пасаджу ў санкі.
Паедзем разам з ім на горку.
Там Вова, Волька і Арцёмка.
Андрэй, Ірынка і Тамара,
І дзед Мікола ў шараварах.
З гары на санках - вецер свішча!
Ды мамка ўжо вячэраць кліча...
11.01 - 2016г.