"За днямі дні.."
За днямі дні няспыннай чарадою
Жаўцее восень за маім акном
Цячэ жыцце бурліваю ракою
Даўно асірацеў бацькоўскі дом
Сябры мае згубіліся з гадамі
У сэрцы пасялілася туга
Шапоча восень лісьцем пад нагамі
Яшчэ не лед а першая шуга..
А час няўмольны,пасівелі скроні
Мне хочацца як золата падняць
Пажоўклы ліст узяўшы у далоні
З надзеяю вясной яго чакаць
Даўно адбунтавала кроў у жылах
І толькі ў душы я малады
Зрывае час і гоніць як на крылах
Чарговы ліст у маім календары