Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

вяселле

Сярэдняя: 4.3 (162 галасоў)

Шчасця ўсе па дарозе вам зычылі,
Пад дугою звінелі званкі,
Млынары, па даўнейшаму звычаю,
Прыпынялі знарок ветракі.

Каб вяселле вясёла кацілася
Па зямлі, покуль воку відно,
Каб жыццё, як вятрак, не круцілася,
Каб на радасць было вам яно.

Сціх і вецер, у крылах лапочучы,
Пасыпаючы цвеценню пуць,
Разам з жытнімі хвалямі хочучы
У шчаслівыя твары зірнуць.

Нат на момант зямля прыпынілася
І на ўласнай застыла асі,
Каб запомніць: і як вам любілася,
І як лёгка вас коні вязлі.

Ўсё найлепшыя фарбы знаходзіла,
Перайначвалася на вачах.
Як раней толькі сонца ўзыходзіла,
Заліваючы промнямі шлях.



Сярэдняя: 4.5 (24 галасоў)

Хатнія каўбасы
з часнаком, каляндрай
У кладоўцы цёмнай
вешаю гірляндай.

Ціхавейны ветрык
Сушыць іх заўзята.
Там яны няспешна
Выспеюць да свята.

На Каляды
мама
каўбасу дастане.
Ад крамяных колцаў
Стол
святочным стане.

З кменам і укропам
Хатняя каўбаска.
Госьці дарагія
Ешце,
Калі ласка!