Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Леанід Пранчак

Сярэдняя: 4.5 (52 галасоў)

Звонка свішча,
Вые глуха
Цёмнай ноччу
Завіруха.

Анідзе
Няма ёй месца.
То галосіць,
То смяецца.

А як стоміцца,
Прысядзе
Снежнай гурбаю
У садзе.



Сярэдняя: 4.9 (16 галасоў)

Люты холад.
Сцюжа кружыць.
Лёд скаваў
Раку і лужы.

Першай шэранню
Сняжынкі
Беляць
Хаты і сцяжынкі.

Трубіць вецер
Над зямлёю:
З надыходзячай Зімою!



Сярэдняя: 4.6 (89 галасоў)

Цеплынёй атуліць
Сонейка зямлю.
Мілая матуля,
Я цябе люблю.
Мне з табой утульна,
І спяваю я:
"Мамачка,
Матуля,
Любая мая".
Радасны і ветлы,
Зранку над ракой
Паўтарае ветрык
Песеньку за мной.
Каб усе пачулі,
Як спяваю я:
"Мамачка,
Матуля,
Любая мая".



Сярэдняя: 4.5 (23 галасоў)

Хатнія каўбасы
з часнаком, каляндрай
У кладоўцы цёмнай
вешаю гірляндай.

Ціхавейны ветрык
Сушыць іх заўзята.
Там яны няспешна
Выспеюць да свята.

На Каляды
мама
каўбасу дастане.
Ад крамяных колцаў
Стол
святочным стане.

З кменам і укропам
Хатняя каўбаска.
Госьці дарагія
Ешце,
Калі ласка!