Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Беражыце ў жыцці не гадзіннік...

Сярэдняя: 5 (1 голас)
Беражыце ў жыцці не гадзіннік —
                                             гадзіны.
Новы дзень яшчэ хмеліць
                                старое віно,
А на тварах бацькоў
                              усё болей маршчынаў,
Пераходзяць яны
                       і на твары сыноў.
Гэта —
           мета гадоў
                            на прадметах і тварах,
Ды не ёю адной
                        толькі значаны мы.
Мы часамі
                хвіліны здаём,
                                       як шклатару,
Мы гады прадаём
                          з дэфіцытным таварам
I жывём сярод рэчаў
                              халодных,
                                                нямых.
Можа,
            шмат мы крычалі
                                     пра годнасць і гонар...
Толькі чуецца праўды
                              надломлены голас
На ліхіх скрыжаваннях жыцця...
I рыпіць на гасцінцы
                             стамлёнае кола...
Мо з дзяцінства яно,
А мо...
            з небыцця?

jackets