Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Хвіліна

Сярэдняя: 4.6 (12 галасоў)

Бывае хвіліна
Напружанай,
Нібы звычны нам
Ток электрычны.
Бывае хвіліна
Загружанай,
Нібы век,
Што заўжды
Гістарычны.

Бывае хвіліна
Шчасліваю,
Як над рэчкай
Шчаслівыя дзеці.
Бывае хвіліна
Жахліваю,
Што міжволі
Спыняецца сэрца.

Бывае хвіліна
З адкрыццямі:
Іх ніколі ніхто
He забудзе.
Бывае хвіліна,
Што жыццямі
За яе плацяць
Мужныя людзі.
Бывае хвіліна,
Што кулямі
Цябе ў баю
Напаткае
I пасля ў вачах
У матуліных
Кожны дзень
Тваю смерць паўтарае.