Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Лепш

Яшчэ не ацэнена
Хаця мы ўжо даўно не дзеці, пытанне-цацку ўсё люляем: "Усё адносна ў гэтым свеце. А нам што лепей?" — разважаем. І ёсць адказ — у вандраванні па тропках мудрасці жыццёвай набыўся вопыт параўнання наўколля: дзеі, думкі, слова. Ён увасобіўся ў парады, якія склаліся у вершык. Яго радочкі— жарты-рады— абагульнення вопыт — першы. Лепш ежу мець без апетыту і замак казачны без вежы, чым вежу ў замку, што закрыты, ці апетыт, але без ежы. Лепш у кішэні фанцік еўра альбо даляра (на ўсялякі...), чым безграшоў'я дзірка-зеўра і, разам з тым, — "вялікі дзякуй". Лепш у руцэ адна сінічка, чым жураўліны клін у небе. І лепей яблыка ад дзічкі, чым толькі соль адна на хлебе. Лепш сем разоў пакрыцца потам, чым стаць — разок — як шэрань, белым. І лепш заўсёды быць адлётам, чым раз — спакойным і... скалелым. Лепш над табой хай пасмяюцца і "па-сяброўску" падзівачаць, чым з посным выглядам збяруцца і са шкадобаю паплачуць. Лепш прамаўчаць і "ціхім" дурнем (што ёсць, то ёсць!) усім здавацца, чым гаварыць пра ўсё "фігурна" і сапраўды дурным з'яўляцца. А лепш за ўсё... перачытайце парады ўсе — і па патрэбе ўжывайце, шчэ й свае дадайце— калі спазналі, што вам лепей. 19.07.2014 Nike Magista Obra Low