Макет будынка на тэлеэкране
Пад лепшы ў Беларусі кнігазбор:
Хто колькі можа, дайце, грамадзяне,
Каб ні адзін не згінуў рэдкі твор.
Якая найвыдатная ідэя!
Мы ж гэтым забіваем двух зайцоў:
І кніжная скарбонка не збяднее,
А скарбніца дзяржавы й пагатоў.
Я гэта пачынанне, адным словам,
Падтрымліваю поўнасцю, але ж
Чаму было б не скінуцца, панове,
Такім жа самым чынам на манеж?