Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

На пяць хвілін...

Сярэдняя: 2.3 (3 галасоў)

На пяць хвілін "зляцеўшыся" у скверыку —
там, дзе "пяе" рок-банда "варанАя",
ужо два тыдні лютаўскія ў "бэрыка"
вясна з зімой — старэнечкай — гуляе.

То ледзь кране — і ходу: "Дагані мяне!",
то наляціць — і сцісне ў "абдымашках",
то з-пад галля на дожджык першы выманіць,
то "запятнае" сонечнай "пятнашкай".

А то ўваслед за "арміяй" "чырыкчыкаў"
ускокне ў лужу з лёдам — па калена.
І не спыніць нічым вяснулю-жыўчыка.
Задор, запал... З такім бы — ды на сцэну!

Ушчэнт зіму "загнала" і зняможыла.
Зусім на "не" "звяла" яе "праўленне"...
Затое як наўколле упрыгожыла
і ажывіла сэрцайкі натхненнем!

Ну ці не дзіва — весніца-гарэзніца?
Дзяўчо-дзяўчо, а ўжо і гаспадыня!
Вось пачакайце — хутка й занявесціцца
і зачаруе...
песняй
салаўінай.

6.03.2017