Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

вясна

Сярэдняя: 4.4 (322 галасоў)

Ты спявай, непрыкметная птушка,
І вітай мой бярозавы гай,
І вітай зіхатлівае сонца,
Ты спявай, пяюха, спявай!

Мо, ты івалга, мо, берасцянка,
Спеўным гукам сваім напаі.
І гучаннем гаючым, шчаслівым
Няхай шчодра напоўняцца дні.

Калі голае зробіцца голле
І зямлю зноў атуліць мароз,
Успамінаць тваю звонкую песню
Буду з сумам, ды толькі без слёз.



Сярэдняя: 4.3 (114 галасоў)

* * *

Замяцеліў вішанькамі май.
Сыпле й сыпле, несупынны гэткі.
Прыгаршчамі поўнымі збірай
У траве пялёсткі, як манеткі.

Языком іх вецер зліжа, ах!
Не паспее і на смак забыцца –
Вішнямі-каралямі ў садах
Палахліва ліпень загарыцца.

* * *



Сярэдняя: 4.2 (56 галасоў)

8 САКАВІКА

Вясна, на жаль, хварэла ў дзень такі,
Адлежвалася ў лесе, бліз дарогі.
Спяшалася праз Нёман, напрасткі,
Ды па калена замачыла ногі.

Але сняжок не сапсаваў настрой.
Аб коцікі вярбы мы рукі грэлі.
На мосце, над шумліваю ракой,
Сакавіка бязвусага сустрэлі.

І ён, гуллівы, лёгкі, малады
Нам сто гадоў з усмешкай напрарочыў.
…На мост той я праз многія гады
Сакавіку свайму аддзячыць крочу.



Сярэдняя: 4.1 (48 галасоў)

З вялікага мноства зімовых сімфоній
"улётная" сёння адна:
на шкле ледзяшоў, быццам на ксілафоне,
іграе музыка Вясна.

Зляцеўшы аднекуль з-за Гангу, з-за Нілу
ў наш "кут" на якісьці дзянёк,
яна так "дэбютам" ашаламаніла,
што нават марозік уцёк.

Услед яму рэха рассыпала шчодра
крыштальныя "дзінь-дзілідзень".
Гэй, людзі! Збіраеце ў музычныя... вёдры
"стакатаў" шальных "тапацень"!

Пакуль сакавік недзе там, за гарамі,
у нас тут (о, студзеньскі ферт!)
і арфа, і ханг, і арган, нібы ў храме,
і флейта — "Вясновы канцерт".

Нічога, што вецер гуляе афішай!
Цяпер ці патрэбна яна?
Паэты "капежныя" вершыкі пішуць?
Ну, значыць, і праўда — вясна!