Не саромейся, братка, сябе!
Сорам, можа, і добрая справа,
Але годнасць у сэрцы глыбей.
Вось такая, як кажуць, праява.
Не ганьбуй ні сябе, ні народ.
Ні зямлі не цурайся, ні мовы.
Першы "блін" не заўсёды ў рот,
А наступны - заўжды адмысловы.
Неадступна наперад ідзі
І нясі ў сэрцы роднае слова...
Не згубі толькі годнасць, глядзі!
Без яе не магчыма размова.
© Copyright: Людмила Воронова Супрун, 2016
Свидетельство о публикации №116112402926